Japan Visa ESD Employment for Skill Development නිපුණතා සංවර්ධන රැකියා

ජපන් රජය විසින් විදේශික ශ්‍රමිකයන් සදහා හදුන්වා දී ඇති නවතම රැකියා වැඩසටහන තමයි 育成就労制度( ඉකුසෙයි ෂූරෝ සෙයිදො) Employment for Skill Development.මෙය කෙටියෙන් ESD කියලා හදුන්වනවා. දැනට ක්‍රියාත්මක TITP තාක්ෂණික සීමාවාසික පුහුණු වැඩසටහන 2027 වසරේ සිට අහෝසිවන අතර එයට විකල්පයක් ලෙස මෙය හදුන්වාදී තිබෙනවා. මෙය 2027 අප්‍රේල් 1 සිට ක්‍රියාත්මක කිරීමට නියමිතයි. ඒ් අනුව විදේශික ශ්‍රමිකයන්ට ESD වීසා ක්‍රමය යටතේ රැකියා සදහා ජපානයට යාමට අවස්ථාව ලැබෙනවා. වීසා කාලය අවුරුදු 3ක් වන අතර නිපුණතා සහ භාෂා ප්‍රවීණතාවය සම්පූර්ණ කරන ශ්‍රමිකයන්ට ඉන් පසු SSW(i) විශේෂිත නිපුණතා වීසාවලට මාරුවීමට අවස්ථාව හිමි වෙනවා. අවශ්‍ය මූළික සුදුසුකම්: ජපන් භාෂාව A1 , JLPT N5 හෝ ඒ් හා සමාන ජපන් භාෂා පාඨමාලාවක් ජපානයේ රැකියාවට ඇතුළත් වූ පසු සම්පූර්ණ කළ යුතු සුදුසුකම්: වසර 3 කාලය තුළ මූලික කුසලතා ඇගයීම් පරීක්ෂණය (Basic grade of Trade Skill Test සහ SSW වීසා සදහා මාරු වීමට අවශ්‍ය ජපන් භාෂා ප්‍රවීණතාවය සම්පුර්ණ කළ යුතුයි. රැකියාව ආරම්භ කර වසරක කාලයකින් පසු රැකියා ස්ථානය වෙනස් කිරීමට අවස්ථාව ලැබෙන නමුත් ඒ් සදහා ඉහත සුදුසුකම් සම්පුර්ණ කිරීම අනිවාර්ය වනවා. SSW වීසා සදහා මාරුවීම: ESD වීසා වසර 3 කාලය තුළ Trade Skill Test grade 3 හෝ SSW(i) Skill Test සමග ජපන් භාෂාව JLPT N4 සමත් අයට SSW වීසා ඛාණ්ඩයට මාරු විමට අවස්ථාව ලැබෙනවා. එම කාලය තුළ සුදුසුකම් සම්පුර්ණ කිරීමට අපොහොසත් වන්නේ නම් ඒ් සදහා තවත් වසරක කාලයක් විසා දිගු කෙරෙනවා. වසර 3 කාලයෙහිදි ජපන් භාෂා දැණුම වර්ධනය කරගැනීමට අවශ්‍ය පහසුකම් ලබාදීම රැකියා ස්ථානයෙහි වගකීමක්. ඉදිරි කාලසීමාව තුළදී ESD සහ SSW වීසා මගින් විදේශිකයන් මිලියන 1.23 පමණ ජපානයේ රැකියා අවස්ථා හිමි වෙනවා. ESD වැඩසටහන යටතේ ශ්‍රමිකයන් 426000 සහ SSW වැඩ සටහන යටතේ ශ්‍රමිකයන් 805700 එම පිරිසට ඇතුළත්.